#يوم_التأسيس
يوم التأسيس
الف(ن) وسبعميّه وسبع(ن)وعشرين
سَجلّ لنا التاريخ مجد(ن) بنينا
ميلاد حكم(ن) لآل السعود الميامين
حكامنا في ظلهم شامخينا
يوم(ن) به التأسيس تاج العناوين
عنوان ذاك اليوم، يوم(ن) بدينا
ميتِين وتسعين(ن) مع الست محصين
مرت وحنا للمعالي رقِينا
نرقا سنود ونقهر الصعب باللين
بعون ربي ناصر المؤمنينا
جيل(ن) بعد جيل(ن) عز(ن) وتمكين
وحنا ثبات(ن) نقهر المعتدينا
وحنا هل العوجا، وحنا هل الدين
والمسجدين اللي لها خادمينا
ونغيث ملهوف(ن) بأقصى البلادين
ونضمّد أجروحه، وله مكرمينا
وننفق ملايين(ن) وراها ملايين
ولا نتبع المِنّه مَدة يدينا
وحنا نِصرنا الحق، وخير الميادين
ألنا الريادة دايم(ن) ثابتينا
ويا الله يا فارض صلاة المصلين
تديم دولتنا طوال السنينا
أبو بدران/ أحمد بن محمد الجردان #جلاجل
الأربعاء 02-08-1444 هجري/ 22-02-2023 ميلادي
،
تعليقات