مدونة أحمد بن محمد الجردان

 أبياتي في مسقط رأسي في قصر نخل أم قِصِير في جلاجل🌹  سلام الله على أم قِصِير وعلى جلاجل وكلّ سدير أنا أم قِصِير ِ ما انساها ولها حِب ٍ في قلبي غير   ولها عِشق ٍ يهزَ الروح ويفوقَ الوصف ِ والتصوير ولِدت بقصرها الشامخ بربيع أوّل ... يا قصر الخير جِمالِك من جِمال اللي بناك ولا عَرف تقصير وسكنك المجد والقمه وسكنك الجود والتيسير بنىَ مجده ومن جَده له أمجاد ٍ لها تعبير تعبّر عن سليل المجد ولد بدران ذِكرِه غير   أبن سلمان ومن دوسر يا هام العز وفال الخير وسلامي عِد ما غرد حمام الوَرْق ِ بارض سدير على أم قصير ِ ومن جاها وسلام الله على أم قِصِير أحمد بن محمد الجردان جلاجل  

         ولد عمك ولد عمك                                       عصابة راسك ودمك               ولد عمك ولو يخطي                                       فخل العفو من يمك           نبي صبرك طويل أرشاه                                       ومن بيرك عفوا جَمك              ولا تسمع عذول ٍ ذم                                        فمن ذمه فقد ذمك          وترى الشيطان ما يرضى                                     تصافي الود أبن عمك          يبيكم نار ما تطفى                                       ولعاينكم تجي لأمك          ويبي حبل الوصل مقطوع                                   ويبي طويَ الرشا همك          فلا ملاقا ولا مهادا                                       ولا عطر الوفا شمك          وذي مني وصيه لك                                   عسى صدر الوفا ضمك           ولد عمك ولد عمك                                      عصابة راسك ودمك                    أحمد بن محمد الجردان                        جلاجل - سدير 

 إهداء للشيخ عبدالله العمر رئيس مركز الداخلة  أهلاً هلا بالشيخ والله أنا أغليك يا بن عمر يازين قربك وطاريك عريب جد ٍ وللمعالي سنودي أنا أشهد أن المجد ما هوب ناسيك أنت البحر فالجود ومالك شواطي كلك عطا... كلك وفا.... جل واَليك رب ٍ عطاك المرجله والشهامه وإيضا تواضع والمكارم تباريك وأنت البدر لامن غدى الليل ليلين وأنت المطر يسقي غشيم ٍ يعاديك يا كيف وشلونك مع اللي تعزه أفضال جودك تاصله قبل ياتيك  فيك الزعامه والطناخه جِبلّه وعزمك قوي ٍ وواثقات ٍ خطاويك و من لابتي.... وبدران جدي وجدك (آلاد زايد) عزوة ٍ لو تناديك تفزع لها يا شيخ بكلّك ومن لّك وتكفخ كما حر ٍ وتَفرِس باياديك قرم ٍ من قروم ٍ ولا هي غريبه هذي عطايا الله والله معطيك سلام مني كل صبح وعشيه صبح ٍ أصبح به وعصر ٍ أمسيك أبو بدران/أحمد بن محمد الجردان/سدير-جلاجل

إهداء للشيخ عبدالله بن عبدالرحمن العقيل حفظه الله           رفع كفه وشكر مولاه                         على ما منَّ به واعطاه            أبو محمد خطاه السو                         عظيم الشان من نجاه            إله ٍ ما لنا غيره                       لجا له مخلص ٍ دعواه            ومن أكورونا شفاه اليوم                        وزال الهم مع بلاواه            وذا شي ٍ يفَرّحني                       عشانه فاتح ٍ مخباه            لكل الخير هو ينفق                        كما هداج لاجا ماه            ألا يا الله تحفظ له                       عطاه ودينه وتاقاه            وسلامي له عدد ما أنفق                وسلامي له عدد ممشاه                 أحمد بن محمد الجردان                                   جلاجل                              1441/11/5

زمان أول بطيبه راح وكل ٍ قانع ومرتاح وزمنّا ذَا أيا شينه هُدوءَ النفس منّا راح عشان الحال يا بنتي مظاهر من دُمى واشباح عجيب ٍ حال ها الدنيا بزود الهَم وقِلّ أرباح بعضهم طيّر اعيونه ورى فلان ٍ غدى مرتاح ؟! وبعضهم  لامتلا جيبه تكبّر والكِبر فضاح يَحقرَ اضعيف ٍ مسكين ولا يفزع أذا أحد ٍ طاح وبعضهم ضيَّع الخوّه ونسى عِشرة زمان ٍ راح نبي بسمة فرحنا دوم ونبي وضح النقا ونرتاح ونبي جَمعَة بساطتنا بَلا امهايط وكثر اجراح وطلبتك آهِ يا بنتي فلا يأسٌ ولا أتراح ترانا بخير يا بنتي ونعيش بِوقتنا أفراح  وانا عِبتَ الزمن آسف وفينا العيب ونجمه لاح وصلاة الله على محمد عدد من حرّك المسباح أحمد بن محمد الجردان جلاجل

هذه قصيدة لعمي الشاعر سليمان بن محمد الجردان ـ توفي في جلاجل عام 1397 هـ ـ رحمه الله قالها عندما رأى مزرعة الجردان في الشمالية في جلاجل ( مزرعة البطيحاء ) هشيما تذروه الرياح جراء القحط الذي اصاب جلاجل في تلك السنة شفت البطيحاء شفت البطيحاء شوفة(ن) تدهش البال ......................... شوف الغرايس منـه واسقـمّ حالـي الأرض بيضا فيّها مـا بـه ظـلال ........................ لو جيت في فيهـا كلتـك الصوالـى من عقب ما بالقَـت غايـف وميـال ....................... يذكره مـن خبـره لحـق بالتوالـي عادت هشيم فيـه عجـات ونجـال ........................ مثل الرمام اللـي ببعـض المغالـي ومن عقب ما هو طرشها يعول اعوال ......................... تسـر عينـك بالطـرب والعدالـي يسني بها عوص من الهجن وحيـال ...................... سواقهـن فـي سوقهـن مـا يبالـي اليـوم جمـت بيرهـا خمـرة دلال ....................... تسري إلـى مـا فوحـت بالعجالـي وعزاه حمل الغرس كلـه بالاجمـال ....................... كله هضاب(ن) ما بقـي بـه توالـي لا مو في(ن) دين(ن) ولا كنز لعيـال ...................... ولا مـن الحـرة عنـا لـه جمالـي

يا اللي تشيل الهم في كل الأوقات تراك ما تقوى تشيل الهمومي في ثقلها مثل الجبال العظيمات ويا خفّها لصار صبرك يدومي أنص الذي يحِيي عِظام ٍ رميمات الواحد المعبود رب ٍ رحومي ذا النون في حوته بضيق ٍ وظلمات ناداه باخلاص ٍ تراني ظلومي أن ( لآ إله ألَّا انت).... ثُم ٍ في لحظات جاه الفرج من كل كرب ٍ يعومي وقدام موسى موج بحر ٍ وغرقات وفرعون من خلفه لذبحه جزومي وجاه الفرج بالعز ونصر ٍ ومنَّجاة حين ٍ غرق فرعون وامسى مهزومي وأيوب مسّه ضُر ومُر ٍ وويلات وجاه الفرج من عقب ذيك السقومي ويعقوب من فرقا جنينه بلوعات لوعات حزن ٍ يَجلبنَّ الهمومي من عقب يوسف عاش حزن ٍ وحسرات وأليا ذكر يوسف كل ٍ يلومي عَميت عيونه من دموع ٍ وعبرات ورَدَّ البصر ربي بذيك الهدومي وربي جمع شمله بيوسف بلحظات وصارت تفاسير ٍ لذيك الحلومي ومحمد اللي خاتم ٍ للنبوات بوقعة بدر جته الملايك تحومي وانجاه ربي من سيوف ٍ صقيلات بوقعة أُحد وقريش شنت هجومي وصيتي لك مع جزيل التحيّات ترى الدُعا سهم ٍ وخير السهومي هو محزمك لا صار بالوقت ضيقات وسلاحك اللي زاهب ٍ لك يدومي فيه الفرج...فيه العوض والجديد

      نصيتك واحسبك رجّال                        ولقيتك يالردي تمثال       بلا احساس ٍ ولا رحمه                       واثر قلبك عليه اقفال       قفل كِبر وقفل قَسوه                         ولا بقلبك ولو مثقال       من الرحمه ومن النخوه                        وعليه من الكِبر اثقال       أنا من حالتي في ضيق                   واشوفك ضاحك ٍ مختال!!       تقول وش ذا الذي حدّك                        وتَهَزا بي وحالي حال!!       حسايف كيف صدقتك                              بأنك للوعد فعّال      تفاخِر بالمراجل دوم                       وتطق الصدر يا دجال      تبي كل ٍ يِنعّم لِك                    وترىَ (ونِعِم ٍ) بليّا افعال      تموت ولا تحصلها                           لأنك كاذب ٍ محتال             أحمد بن محمد الجردان

    ألا يا صاحبي تكفا                             أبيك تصير لي وافي     ترى هجرك يعذبني                         وياشين الباب له سافي     نبيه مشرَّع ٍ مرّه                                بقانون ٍ له اعرافي     نبي وصل ٍ لنا كله                               نبي جوّ ٍ لنا صافي     على السنّه على الطاعه                                ولا شي ٍ لنا خافي     نكيد اللي يعادينا                            ويبينا بموقف ٍ هافي     وعلى درب النقا نمشي                             وستر الله لنا ضافي     ترى درب النقا مِنوِر                        وترى درب الردىَ طافي     يا زينك آه يا خلي                          عشانك كامل اوصافي     إذا شفتك تزِينَ الحال                        واذا غبتَ يجي اخلافي     عسى ربي يلم الشمل                             ويجمعنا بلا خلافي                 أحمد بن محمد الجردان  أ

            اشتقت للمسجد وصفَ المصلين        وصوت الجماعه من ورا الشيخ آمين   وجلسة ذكر بعد الصلاةَ الفريضه         وشوفة سعد وسعود وباقي المصلين   ومدارسَ القرآن شيخ ٍ وطلاب           عقب العصر حفظ ٍ وفهم ٍ وتلقين  وان جيت للجِمعِه ترى الشوق بالحيل             نلبس لها زين ٍ وعطر ٍ ومصغين      للي على المنبر بعلم ٍ وتذكير               يحثنا بالخير وما جا به الدِيِن      ويا الله تصرف ذا الوبا عن وطنّا           وكل البلاد وخص دار المسلمين        وحنا سعوديين سمع ٍ وطاعه             وامر الملك حازم ولا فيه تهوين                   الزم مكانك ولا تروح المشاوير         وابطال صحتنا على الراس والعين                  ورَجلَ الأمن لزم ٍ علينا نطيعه       ورَجلَ التجاره ضابط الوضع تموين      إيضا ولا ننسى رِجال الأمانه       في مراقبة سوق ٍ ومطعم بتقنين     ولا يفوتني باقي رِجَالَ الحكومه        كل ٍ في شغله يبذل الجهد جهدين     تنفق حكومتنا الدارهم بلا حساب             لاجل المواطن ثُم كل المُقيمين      انت السعودي وبالفخر ترفع الراس       كنك شموخ طوي

بسم الله الرحمن الرحيم إهداء الى أبناء-الدرة- سليمان بن عبد الرحمن بن عبد الرحمن بن عمر الواصل-رحمه الله وبارك فيهم- بمجلس الواصل عسى ربي يدوم                  بشبة النار إب وجاره يا حمد وبمرحبا بك ويا هلا بك كل يوم           وضحكة ٍ  تِنسي همومك والنكد في وجود اللي رجال ٍ هم قروم            خمسة أرجال ٍ لمجلسهم عمد مجلس ٍ فيه المراجل والعلوم               وارثين الطيب من جد ٍ لجد به نفاخر ولا جلسنا به نقوم      في شموخ ٍ وفي طنوخ ٍ ما يحد آل واصل عزوتي وأهل العزوم                   ومن يعاندهم فلا والله ركد يشغلونه وفي عِناده ما يدوم                 يرمي إسلاحه وماله من جلد ومن بداهم طِيْب يبشر فمحشوم                  يبشر بعزه دروع ٍ له سند هم بني عمي - وربي- ما ألوم                قلبي اللي لاجلهم أمضى وعد إن يجيهم جية ٍ في كل يوم                 ذا مُنىَ نفسي وشفي والسعد والكرم فيهم أصيل ٍ وامعلوم             يا حمد ماهوب شي ٍ مُستجَد ومن بدارين الدواسر وراس قوم                   وعيال زايد بعد ربي معتمد لابتي أهل المراجل واللزوم                  ومن نص

يا زين العز يا زينه ........... ويا شين الذل وسنينه ونصيحة لا ، فلا تجلس ...... ..... بمجلس جاز لك زينه وهَلَ المجلس في تقديرك ......... يرونك دون ، ألا بحينه عليك تغادر المجلس ............. وتعافه وكل ناصينه وعليك بمجلس ٍ قَدرك ............... ترجّح بك موازينه ترى ربي خلقك بعز ................ وآيَ الذكر قارينه عزيز النفس هو شَفي .........  وذليل النفس يا شينه                أبو بدران       أحمد بن محمد الجردان

رثائية في إبن عمتي  إبراهيم بن عبدالرحمن الأحيدب رحمه الله فز قلبي فز قلبي يا فهد واظلمت دنياي وقلبي أرتعد يوم قالوا مات هاك الرجل مات  طُول لِيلي وموق عيني ما رقد مات شيخ-ن- بالمعالي له شموخ راس قوم-ن- له طموح-ن- ما يحَد راعيّ أم عنيق شيخَ المرجله  معرّبَ الجدين جد-ن- بعد جد شف خواله آل جردانَ الكرام والأحيدب هم عمامه وخذ بعد  له بنين وله بنات-ن- هم فخر ومن زرع زرع-ن- فلا بده حصد هو حصد ذكر-ن- وفعل-ن- له جميل وذاك شَيّ-ن- كلنا به قد شهد وباذن ربه له حساني كالجبال ربنا المعبود هو واحد أحد ما يضيّع أجر عبده بل يَزيد ثم يُضاعِف دون حد أبلا عدد أسأله جل وتعالىَ هو كريم يِبدِل أذنوبه حساني يا فهد والختم صلوا على خير البشر عِد ما أصبح صباح-ن- واستجد أحمد بن محمد الجردان ١٤٤١/٦/٢

 أهداء للشيخ عبدالعزيز بن علي الشويعر بمناسبة أمر خادم الحرمين الملك سلمان بن عبدالعزيز منحه وسام الملك عبدالعزيز من الدرجة الأولى .......الصورة...........     سلام الله يا راس المجد                مدى مجدك بليّا حد     لك أمجاد ٍ يشوشَ الراس                   إذا مِنّه ذكرها هد     كما صقر ٍ يعددها              رجع وكره ولا هو عد     ومن أمجادك وسام العز             أخذته يا سليل المجد      بأمر ٍ من وليّ الأمر                عسى ربي يمده مد      بعمر ٍ وافر ٍ خيره                  وعزم وهمة ٍ تمتد      أبارك لك وأبارك لي               ولجلاجل ديار الجَد      تقبل منّي أبياتي             مع أشواقي وكل الود              أبو بدران      أحمد بن محمد الجردان