عروس شعري
عروس شعري مرت سنين العمر، مرت يا عُمر وحلو السنين أقفت وذاك الوقت مَر بصحبة حبيبَ الروح والحب الأصيل عروس شعري بالصريح المختصر ما احلا سوالفها عَلي عقبَ الغروب وما احلا سوالفها على سكة سفر وما احلا مشاعرها، وسواليف ٍ تطول وهتان حب ٍ من سماها كالمطر وما احلا جمال ٍ في حنان وفي شعور ذوق ٍ وشوق ٍ في فؤادي له مَقر يا زينها تضحك وتمشي في هدوء ونظرة عيوني يمها لحظة تمر وألبس لها بشت الفرح وتوه جديد والغترة البيضا وثوب ٍ به عطر تركض وأنا اركض في دروب العاشقين ويا زين رسم الحب لا شفته ظهر ويا زين خاتمها وعضد ٍ فيه زود أربع غوايش من ذهبها المُعتبر زُمرده وتلبس ذهب!! ، شي ٍ عجيب!! شفت الحُسن ياقف ذليل ٍ مُنبهر بقلبي أنا الذكرى وقلبي به شعور مشاعر ٍ فيها الحلا كنه (شُقر) يا مبعد الهقوات لا تبعد بعيد هذي تراها أمي يشابها البدر أحلى النسا بالكون هي حبي المقيم دفنتها والقلب معها في القبر بجنتك ربي لقانا من جديد مع والدي إنك مليك ٍ مُقتدر أبو بدران أحمد بن محمد الجردان ١ ذي القعدة ١٤٤٤