مدونة أحمد بن محمد الجردان

                    #من_أبياتي  لا تَحقر الناس يا إلهيس الحقير                       ولا تكبر فالتكبر ذا خطر طلَّع الملعون وماله من نصير              من جِنانَ الخُلد وداره في سقر                         ولا تكبر و ما نفع مال(ن) وفير         ولا نفع جاه(ن) ومنصب ولا قصر وفي عيون الناس مكروه(ن) صغير                ومن تكبر شاف نفسه محتقر البقا لَلَه، ترى عمرك قصير               وكل يوم(ن) تقرب أقرب للقبر  #أحمد_بن_محمد_الجردان       

 يا سلام الله على قلب(ن) كبير                  ياسع أحبابه ولا به من غدر وده العالم على خير(ن) تصير               ويوجعه أن الخلايق في خطر ولا حَسد تاجر ولو حاله فقير                  راضي برزقه وعمره ما نظر للدراهم والمزارع أو يطير         سايح(ن) بأحلى المصايف في سفر                       أبو بدران          #أحمد_بن_محمد_الجردان 

                     بسم الله الرحمن الرحيم                           رثاء                 الفقيد عبدالله بن موسى الوكيّل                        رحمه الله      يا إلهي يا مثيب الصابرين                               يا لطيف ويا رحيم ويا معين     يا إلهي يا مجيب السائلين                                مات ابو موسى إلهي ترحمه     المغيري من بني لام(ن) وطي                              ومن بني بدران ِخاله دوسري     معرب الجدين عِزه يرتقي                              ومات ابو موسى إلهي ترحمه     للقدر صابر وما به من ضجر                          رغم حزنه، ورغم جرحه، والضرر     ما عمر حزنه على وجهه ظهر                                 مات ابو موسى إلهي ترحمه     مكرم(ن) ضيفه، وحبه للجميع                          وبه سماحه إن شرى وإن هو يبيع     وفي رفيقه ما يفرط ولا يطيع                                 مات ابو موسى إلهي ترحمه     البشاير منهجه وحسنَ الأمل                             وما ندم شي(ن) يفوته ولو جمل     وعن مكاسب خلق ربه ما سأل                                  مات ابو موسى إلهي ترحمه