قصيدتي في #زلزال #تركيا #سوريا
هنا👇كامل القصيدة فديو
وهنا👇 مكتوبة
البداية أبتدي بالبسمله
ولا إله إلا ربي واسأله
منزل ٍ تبت وطاها وزلزله
لطفك اللهمّ ربي بالعباد
في جنوب التُرك وادلب من شمال
شفنا صيحات العذارى والرجال
والمواقف وصفها بحال ٍ محال
ولطفك اللهمّ ربي بالعباد
زلزلَ الزلزال وكل ٍ في ذعر
وفي ذهول وفي شرود ٍ مُستمر
وكل شي ٍ في مكانه ما يقر
ولطفك اللهمّ ربي بالعباد
والمباني والشوارع والجسور
والجبال الراسياتي والقصور
والمصانع كلها صارت تَمور
ولطفك اللهمّ ربي بالعباد
ومرضعه، ذبّت ولدها وهي تصيح
وشايب ٍ شفته يقوم وثم يطيح
وشفت ميّت وسط داره والجريح
ولطفك اللهمّ ربي بالعباد
ومن يصيح وصيحته تحت الهدم
ومن يصيح وصحيته كسر ٍ ودم
وهلّت العبره وحارت به قِدم
ولطفك اللهمّ ربي بالعباد
كنهم يا سعود من هول الأمر
كالسكارى مثل شرّابَ الخمر
والا من هو ماشي ٍ فوق الجمر
ولطفك اللهمّ ربي بالعباد
يا إلهي يامُجيب السائلين
ويا إلهي يامُغيث ويا مُعين
ويا إلهي يامُثيب الصابرين
لطفك اللهمّ ربي بالعباد
أبو بدران/أحمد بن محمد الجردان/جلاجل
١٤٤٤/٧/٢٠
تعليقات