لله ما أخذ وله ما أعطى وكل شيء عنده بأجل مسمى ـ رحم الله ـ العم الأمير سعد بن فهد بن سعد بن عبدالمحسن السديري ( امير الغاط سابقا )

يا اللي تشيل الهم في كل الأوقات
تراك ما تقوى تشيل الهمومي

في ثقلها مثل الجبال العظيمات
ويا خفّها لصار صبرك يدومي

أنص الذي يحِيي عِظام ٍ رميمات
الواحد المعبود رب ٍ رحومي

ذا النون في حوته بضيق ٍ وظلمات
ناداه باخلاص ٍ تراني ظلومي

أن ( لآ إله ألَّا انت).... ثُم ٍ في لحظات
جاه الفرج من كل كرب ٍ يعومي

وقدام موسى موج بحر ٍ وغرقات
وفرعون من خلفه لذبحه جزومي

وجاه الفرج بالعز ونصر ٍ ومنَّجاة
حين ٍ غرق فرعون وامسى مهزومي

وأيوب مسّه ضُر ومُر ٍ وويلات
وجاه الفرج من عقب ذيك السقومي

ويعقوب من فرقا جنينه بلوعات
لوعات حزن ٍ يَجلبنَّ الهمومي

من عقب يوسف عاش حزن ٍ وحسرات
وأليا ذكر يوسف كل ٍ يلومي

عَميت عيونه من دموع ٍ وعبرات
ورَدَّ البصر ربي بذيك الهدومي

وربي جمع شمله بيوسف بلحظات
وصارت تفاسير ٍ لذيك الحلومي

ومحمد اللي خاتم ٍ للنبوات
بوقعة بدر جته الملايك تحومي

وانجاه ربي من سيوف ٍ صقيلات
بوقعة أُحد وقريش شنت هجومي

وصيتي لك مع جزيل التحيّات
ترى الدُعا سهم ٍ وخير السهومي

هو محزمك لا صار بالوقت ضيقات
وسلاحك اللي زاهب ٍ لك يدومي

فيه الفرج...فيه العوض والجديدات
من البشاير مثل وبل الغيومي

تسقي ضما روحك ويبرض بلحظات
هشيم حزنك ثُم حظك يقومي

ويا الله يا معطي جزيل العطيات
تفرج هموم اللي طوته الهمومي

    أحمد بن محمد الجردان