أشتقت للمسجد #كورونا #كوفيد ١٩
اشتقت للمسجد وصفَ المصلين
وصوت الجماعه من ورا الشيخ آمين
وجلسة ذكر بعد الصلاةَ الفريضه
وشوفة سعد وسعود وباقي المصلين
ومدارسَ القرآن شيخ ٍ وطلاب
عقب العصر حفظ ٍ وفهم ٍ وتلقين
وان جيت للجِمعِه ترى الشوق بالحيل
نلبس لها زين ٍ وعطر ٍ ومصغين
للي على المنبر بعلم ٍ وتذكير
يحثنا بالخير وما جا به الدِيِن
ويا الله تصرف ذا الوبا عن وطنّا
وكل البلاد وخص دار المسلمين
وحنا سعوديين سمع ٍ وطاعه
وامر الملك حازم ولا فيه تهوين
الزم مكانك ولا تروح المشاوير
وابطال صحتنا على الراس والعين
ورَجلَ الأمن لزم ٍ علينا نطيعه
ورَجلَ التجاره ضابط الوضع تموين
إيضا ولا ننسى رِجال الأمانه
في مراقبة سوق ٍ ومطعم بتقنين
ولا يفوتني باقي رِجَالَ الحكومه
كل ٍ في شغله يبذل الجهد جهدين
تنفق حكومتنا الدارهم بلا حساب
لاجل المواطن ثُم كل المُقيمين
انت السعودي وبالفخر ترفع الراس
كنك شموخ طويق يا ابن الأصيلين
أرفع كفوفك داعي ٍ للحكومة
ولتاجها سلمان واختم بتأمين
أحمد بن محمد الجردان
-الرياض- ١٤٤١/٨/١٠
تعليقات