وصلني هذا الحوار عبر الشبكة العنكبوتية وحرصت على إطلاعكم عليه عبر مدونتي
فقه الواقع في حوار جميل
دخل شاب يريد الزواج من فتاة فقال له والدها :
أنا عندي لك أسئلة إذا عرفتها زوجتك البنت , أنت مستعد ؟
الشاب : تفضل .
والد البنت : وش الشيء اللي يضرك إذا أرتفع وإذا أنخفض ؟
الشاب: هذا الله يجيرني وإياك والعروس ... مرض السكر والضغط .
والد البنت: ما لك لوا ... هذا سعر البترول .
طـيـب ... :من هو اللي يصلي النافلة ويترك الفرض ؟
الشاب: المجنون
والد البنت : صدقت ... بس عاد هذي الموظفة اللي تخدم الناس وتضيع زوجها وأولادها وبيتها
والد البنت : من هو الملك اللي نزل من عرشه وضيع شعبه وأشتغل سوّاق ؟
الشاب: هذا سؤال صعب !
: والد البنت أبداً هذا بسيط للي يعرف الواقع ... هذي الحرمة اللي تهرب من بيتها وتطالب بسواقة السيارات
والد البنت : وش الدولة اللي فيها رئيسين ؟
الشاب: ما فيه يا عمي حتى الملعب وهو ملعب ما فيه إلا حكم واحد وعنده مساعدين
والد البنت : شفت إنك ما أنت داري بشي ... هذي بيوت اللي ينادون بمساواة المرأة بالرجل.
طيب ... إذا بغيت معنى كلمة عربية وين تدور عليها ؟
الشاب: في لسان العرب أو القاموس المحيط .
والد البنت: ما عندك سالفة ... ما تشوف بوش كيف فسر لنا كلمة " إرهاب " وكل العالم و افقوه عليها
الشاب: أجل , الله يستر لا يجي اليوم اللي يفسر لنا فيه معنى التوحيد والإسلام
والد البنت : طيب ... وش الوردة اللي ما تستخدمها إلا إذا ذبلت ؟
الشاب: أصلاً إذا ذبلت , ما عاد يصير لها قيمة !
والد البنت : صحيح ... هذول بنات هالأيام , البنت ما تتزوج فيهن إلا بعد ما تكبر ويروح شبابها وهي تطرد ورى هالسراب اللي يسمونه المستقبل!!
والد البنت : طيب ... منهم الأبرياء اللي يجوز قتلهم ؟
الشاب: ما فيه .
والد البنت : هذول ... المسلمين ، ما تشوف لما قتلتهم أمريكا في أفغانستان ، والعراق قالت حنا ما يمكن نقضي على الإرهاب إلا بقتلهم ، وافقهم العالم كلّه حتى المسلمين ، .
إييييه ... الظاهر إن ما لك نصيب في البنت لأن ما عندك
(( فقه بالواقع))
تعليقات