وين الوعود
وين الوعود
طال المدى وين الوعود العديده
........................... أنا أشهد أنك غادي ٍ مثل عرقوب
مرت شهور ٍ وكل شهر ٍ تزيده
.............................. يزيد من زود العنا شهرك تعوب
لو قلت ما أقدر كان قدرك نزيده
............................. مير البلا قدرك ناقص ومعيوب
تكذب علينا والوعايد عديده
............................. من كثر كذبك تمنيت مكتوب
على جبينك ( كاذب ٍ لك مكيده )
................... وكل ٍ يعرفك وراعي الكذب مسبوب
ومن صار مثلك بالخلايق رصيده
...................... ينقص ولا هو بالرجاجيل محسوب
حسبي عليك بكل كذبه جديدة
....................... وحسبي عليك بكل ما راجت كذوب
من قال ما أقدر أشهد أنه وليده
.................. أرتاح وريّح وصار ما هوب مطلوب
مير البلا من قال أبشر وصيده
........................... يلعب علينا وياخذ الجو مقلوب
طال المدى وين الوعود العديدة
............................ أنا أشهد أنك غادي ٍ مثل عرقوب
أحمد بن محمد الجــــردان
تعليقات