لا باس يا محمد
بسم الله الرحمن الرحيم
الى الأبن المهندس محمد بن عبدالله الجردان مع دعواتي له بالأجر والعافية
لا باس يا محمّد عسى الله ياقاك
. من كل شر وكل خير ٍ تنوله
علم ٍ لفاني وهزني حين طرياك
. محمد مريض ٍ والحبايب عنو له
من مجلسي فزيت وبالحيل بنصاك
. قالت (تمهل) عمّتك هي تقوله
بكره نزوره كلّمه دوك يبغاك
. على الموبايل كلمه بالسهوله
أصبر وأنا عمّك ترى الشر أخطاك
. تكفير ذنب ٍ والأجر تب تنوله
باذن الإله اللي على الخير أنشاك
. فالك حَـضـَــر والدّرب كله سهوله
على المراجل دايم الدوم ممشاك
. مهوب قولي والخلايق تقوله
رايتك بيضا عسى الشر يخطاك
. طـيّب ولد طـيّب سليل الحموله
لا باس يا محمّد عسى الله ياقاك
. من كل شر وكل خير ٍ تنوله
أبو بدران
أحــــمــــد بــــن مــــحــــمـــــــد الجــــــردان
الثلاثاء 21/12/1433 هـ
تعليقات