المال هو عصب الحياة وهو صنف من أصناف الرزق وللناس تباين في التعامل ما بين الغني والفقير وهذا مشاهد حرصت في قصيدتي هذه الى ترجمة ذلك وقلتُ

يا حظ منهو مالك ٍ للملايين

يا حظ منهو مالك ٍ للملايين

................ إذا بـَـغىَ شي ٍ يجيه بسهوله

أهل المجالس لا دخل به مهلين

.............. كل يبي قربه ويجلس بحوله

 

صيفه بلندن وإن بغى جو برلين

............... أنا اشهد أنه زاير ٍ كل دوله

واليا خطب بنت ما أهلها معيين

........... وكل ٍ يبي بنته ولو هي مهبوله

في عيونهم شينه حلاة المزايين

..... ولو هو خسيس ٍ صار رمز الرجوله

يرجون مداته ولاهم بزعلين

...........    لو ذاقت أنفسهم سوايا فعوله

أما الفقير اللي يخاف الديايين

......... على بساط الفققر عرضه وطوله

وإليا دخل مجلس فلا به مهلين

............. وإليا حكى حكي ٍ تهزو بقوله

يقضى معاشه ما به الناس دارين

........... عزيز نفس ٍ والمشاعر خجوله

عنده نساوينه وزود ٍ عيالين

.............. وأجار بيت ٍ كل ما حل حوله

وكسب التجارة مثل حكي السباحين

................. يعول دينه مثل طفل ٍ يعوله

عزاه يا حال الرجال المساكين

................... ذل ٍ وهم ٍ يا حياة الرجوله

يا الله يا قابل صلاة المصلين

................. يا واحد ٍ كل الخلايق لجو له

يا منزل ٍ تبت وطاها مع التين

.................... تزيل هم ٍ راجحات ٍ حموله

وصلاة ربي عد صوت الملبين

..................... عليك يا خاتم نبي ورسوله

أحمد بن محمد الجــَــــــردان 



0