وش ذا الخطر يا بنت
وش ذا الخطر يا بنت
وش ذا الخطر يا بنت والله حذاري
................ كل ٍ ظهر يا بنت لابس قصيره
هذي سيور وذيك جنز ٍ ( حضاري )
.............. وش ذا الحضارة والمفاسد كبيره
لبسن ٍ خطير ٍ يلبسنـَّه نهاري
.................. أما المسا فيه العرايا كثيره
من ذا الملابس شفت كاسي وعاري
................ راح الحيا من لبسهن يا منيره
بنت الحمايل تلبسه ما تداري
.............. والرجل داري والمره هي تديره
يا كيف يرضى لبسها لا يغاري
................... لحم ٍ تعرضه والمفاتن مثيره
ما يجتمع دين ٍ ولبس العواري
.................... تكفون دوكم يا بنات الجزيره
ذي عائشه في سرها والجهاري
....................ستر ٍ وطهر ٍ مع نقاءَ السريره
وزينب وحفصه والنساءَ الطهاري
من عهدنا الماضي و الياذا ستيره………….
وصلاة ربي عد نبت البراري
على محمد عد خطو ٍ نسيره ………………
أحمد بن محمد الجـَــردان
تعليقات