مجلس الواصل

بسم الله الرحمن الرحيم
إهداء الى أبناء-الدرة- سليمان بن عبد الرحمن بن عبد الرحمن بن عمر الواصل-رحمه الله وبارك فيهم-

بمجلس الواصل عسى ربي يدوم
                 بشبة النار إب وجاره يا حمد
وبمرحبا بك ويا هلا بك كل يوم
          وضحكة ٍ  تِنسي همومك والنكد
في وجود اللي رجال ٍ هم قروم
           خمسة أرجال ٍ لمجلسهم عمد
مجلس ٍ فيه المراجل والعلوم
              وارثين الطيب من جد ٍ لجد
به نفاخر ولا جلسنا به نقوم
     في شموخ ٍ وفي طنوخ ٍ ما يحد
آل واصل عزوتي وأهل العزوم
                  ومن يعاندهم فلا والله ركد
يشغلونه وفي عِناده ما يدوم
                يرمي إسلاحه وماله من جلد
ومن بداهم طِيْب يبشر فمحشوم
                 يبشر بعزه دروع ٍ له سند
هم بني عمي - وربي- ما ألوم
               قلبي اللي لاجلهم أمضى وعد
إن يجيهم جية ٍ في كل يوم
                ذا مُنىَ نفسي وشفي والسعد
والكرم فيهم أصيل ٍ وامعلوم
            يا حمد ماهوب شي ٍ مُستجَد
ومن بدارين الدواسر وراس قوم
                  وعيال زايد بعد ربي معتمد
لابتي أهل المراجل واللزوم
                 ومن نصاهم يبشر بعز وسعد
أسأل اللي مِنزل ٍ غيث الغيوم
            ومنزل ٍ قاف ٍ وطاها والبلد
لآل واصل بالجزا وعز ٍ يدوم
                ونارهم يا سعود ما تطفى أبد
أحمد بن محمد الجردان
جلاجل ١٤٤١/٦/١٦
.