تقاعد الزميل الشيخ عبدالعزيز السويد
🌹بسم الله الرحمن الرحيم 🌹
🌹أهداء🌹
إلى الزميل الشيخ عبدالعزيز بن إبراهيم السويد بمناسبة تقاعده من مركز هيئة الأمر بالمعروف والنهي عن المنكر في #جلاجل
طاب الشعر للأهل الوفا والكرامه
للغالي اللي يشهد الله نحبه
فيه الكرم والطيب بأعلى علامه
ويا ويل من هو لامني بالمحبه
كم هو عجيب(ن) والعجب بأهتمامه
بكل المعالي، وكل شين(ن) يذبه
حكيم رأي(ن) واضح(ن) في كلامه
لحارت الأذهان لزم(ن) تنبه
عشر(ن) مع العشرين وخمس(ن) تمامه
براس الوظيفه ولا به اللي يسبه
يفرض وجوده مع لزوم احترامه
شامخ ولا هزه رياح(ن) تهبه
نال التقاعد وانتهى من دوامه
ويا حظ من نال التقاعد وحبه
ربي سألتك دوم له بالسلامه
وتجعل حياته بالهنا مستتبه
وصلاة ربي عِد بدر بتمامه
على البشير اللي كل(ن) بحبه
🌹أبو بدران /أحمد بن محمد الجردان🌹
🌹 1446/8/28 🌹
🌹جلاجل🌹
تعليقات