مدونة أحمد بن محمد الجردان

وين الوعود طال المدى وين الوعود العديده ............... أنا أشهد أنك غادي ٍ مثل عرقوب مرت شهور وكل شهر ٍ تزيده   ................ يزيد من زود العنا شهرك تعوب لو قلت ما أقدر كان قدرك نزيده ................ مير البلا قدرك غدى كله عيوب تكذب علينا والوعايد عديده .............. وكل ٍ يعرفك راعي الكذب مسبوب جملة ( كذوب ٍ ماكر وله مكيده ) ............... على جبينك كنها الوشم مكتوب ومن صار مثلك بالخلايق رصيده ............. ينقص ولا هو بالرجاجيل محسوب حسبي عليك بكل كذبه جديدة ........... وحسبي عليك بكل ما راجت كذوب من قال ما أقدر وأشهد أنه وليده ............. يرتاح لا طالب ولا هو ب مطلوب مير البلا من قال أبشر وصيده .................. يلعب علينا وياخذ الجو مقلوب طال المدى وين الوعود العديدة   ........... أنا أشهد أنك غادي ٍ مثل عرقوب أحمد بن محمد الجــــردان

حسبي على اللي ناقلين الضغينه ...... أهل النمايم والمصايب والانشاب أهل القلوب السود وأهل السنينه .......... كم فرقوا بين القرايب والأحباب من باسهم عمّت بيوتَ المدينه ........... حكاية إفكٍ شبّها شر شَـبـَّـاب من باسهم طاشت عقولٍ رزينه ......... من باسهم طارت بريّاتَ الأرقاب من باسهم طاحت بيوتٍ متينه ......... كم طالقٍ تجهل وراها ورى الباب؟! من باسهم عانت قلوبٍ حزينه ............ مات الفرح فيها وذاب الأمل ذاب خبيثةٍ تلكَ القلوبَ العفينه ........... مشذاب شرٍ مع سنينات الأنياب لا ذاقت الفرحه وبرد السكينه ........ ولا ذاقت إلا الحزن مع كثر الأتعاب يا الله كلٍ يا إلهي تعينه ....... وتكفيه كل الشر وفلتات الأعصاب وصلاة ربي عِــد غصنٍ بتينه ......... على محمد عـِـد أخــذٍ بالأسباب أحمد بن محمد الجردان  

يا حظ منهو مالك ٍ للملايين يا حظ منهو مالك ٍ للملايين ................ إذا بـَـغىَ شي ٍ يجيه بسهوله أهل المجالس لا دخل به مهلين .............. كل يبي قربه ويجلس بحوله   صيفه بلندن وإن بغى جو برلين ............... أنا اشهد أنه زاير ٍ كل دوله واليا خطب بنت ما أهلها معيين ........... وكل ٍ يبي بنته ولو هي مهبوله في عيونهم شينه حلاة المزايين ..... ولو هو خسيس ٍ صار رمز الرجوله يرجون مداته ولاهم بزعلين ...........    لو ذاقت أنفسهم سوايا فعوله أما الفقير اللي يخاف الديايين ......... على بساط الفققر عرضه وطوله وإليا دخل مجلس فلا به مهلين ............. وإليا حكى حكي ٍ تهزو بقوله يقضى معاشه ما به الناس دارين ........... عزيز نفس ٍ والمشاعر خجوله عنده نساوينه وزود ٍ عيالين .............. وأجار بيت ٍ كل ما حل حوله وكسب التجارة مثل حكي السباحين ................. يعول دينه مثل طفل ٍ يعوله عزاه يا حال الرجال المساكين ................... ذل ٍ وهم ٍ يا حياة الرجوله يا الله يا قابل صلاة المصلين ..............